((((يـكفـــيـك يـافنـجــال))))

[نايف مقبول العمراني]

أسألك يا فنجال منهو مسويـك=هو كيف يا فنجال روح وسابـك
هو ليش جنب النار دايم مخليك=أكيد يـا فنجـال محـدٍ درابـك
أبوك هذا ما به اليـوم تشكيـك=هو الذي يا جاهل الكيف جابـك
لو انك جهلته أسأل النـاس تنبيـك=ما تعرفه لن المرنـده شرابـك
لا تحسب أني جاهل اللي مسويك=معروف بس أبطى عليّ غيابـك
خابرك أنا في ثرف هذي محاريك=يومه عن الّلجات عنـا سرابـك
دايم على روس المشاريف يعديك=وأول حسابٍ يحسبه هو حسابك
يكفيك يا فنجال هو معتني فيـك=ما سلمك رجلٍ غشيـم وعثابـك
لا جاك قل نايف ايصف ويجيـك=هو خابر الديره وخابر هضابـك
يبغى يذوق اللي تسويه بيديـك=خطه على خطك على طول شابك
الله من الخيرات والرزق يعطيك=ورزقك من الله ياصلك عند بابك