ألْوِيْ ذِرَاعِهـ..لَيّ!!

[مروان الشيخ]

.



عذرا عن الغياب فأنتم دائما الأقرب



ليست موجهة لأحد من اعضاء المنتدى المحترمين












اذا غاب الرقيب وصار ظلم الناس شربة ميّ=فلا غاب الرقيب اللي ذنوب النـاس يكتبهـا
ومن همه وصخ دنيا ترى محدٍ بيبقـى حـيّ=نهايتهـا قبـر يُحفـر ولا تلقـى مكاسبهـا
بها الدنيا رجالٍ تحتريها مثـل حاتـم طـي=وبها اشباه الرجال ولا تغرك فـي شواربهـا
انا لا جيت ابا احسبها واعرف اللي علي وليّ=ابا امسك اول الدفتر الى الآخـر وباحسبهـا
و با اعارف حينها لن كان ليّه او عليّه شـيّ=واذا اشتد الزحام.. الناس تحماهـا مناكبهـا
واذا يَدّه على جرحي فانا بالوي ذراعه لَـيّ=حرار الطير ما تاكل سوى ما ادمت مخالبهـا
واذا الفالج دواه الكي يبشر به ونكـوي كـيّ=واذا ماله علاج يموت هـذي هـي عواقبهـا
ويلقى حينها ما قدمت يمنـاه شمـس وفـيّ=اذا اسقى الناس علقمها بنفس الكاس يشربها









.