لاصار ودالغير لندن مع جنيف

[منيع]

مامن جديد قمنا نسحب من الرصيد ولاكن بالنسبه لكم جديد ه تفضلو هذه الابيات
-----------------


واموتري راح الشتا واقبل الصيف=وخشم النقا بينك وبينه مسافة

ولاعاد لك في عالي الطعس تشريف=وقير الدبل( بالفار)مامن كلافة

العام نمشيبك تسير وتصنيف=الله على ايام مضت واحسافة

لوالزمن يرجع على غاية الكيف=كان المكيف والكنب ذا نعافة

ياماحلا عصيربعيد عن الريف=في مهمة مابة ذرا الا نزافة

يحتاج له من حس في البال تعنيف=القاع مضجاعه والازرق الحافة

هذا منى قلبي ولافية تسويف=لوكان مهمل ماذكرته الصحافة

دعايتة من دون نشره وتعريف=يعلم بهاراعي الولع هي مصافة

لاصار ود الغير لندن مع جنيف=سياحتي في عجها والصلافة

هذا هوى نفسي ولافيه تحريف=متأصل فيني ولاهو لقافة

ودعي وصلي بالمنى مسجد الخيف=على النبي ومن زار بيته وطافة