يابو علوم مثل موس الحلاق

[الطامي]

من صد عني عنه في لحال صديـت=اصدعنـه ونـور عينـي فراقـه
عيب (ن) علي ان كان بالعين لديت=في صوبكم ياهـل العلـوم الدقاقـه
تابعتكم بالطيب ليـن انـي ازريـت=واعطيتكم من صافـي الـود باقـه
باقـة وفـاء مديتهـا واستمديـت=منكـم سلـوب الغـدر والانطراقـه
والغدر من طبع العصاة الطواغيـت=ضعاف النفوس وخاينين الصداقـه
منهـم تعشيـت العـذاب وتغديـت=ماعـاد لـي ياخايـن العهـد فاقـه
ابطيت اجامل معك وابطيت وابطيت=يابو علـومٍ مثـل مـوس الحلاقـه
بعد كشفت اسـرار قلبـك وقفيـت=اللي سواتـك نـور عينـي فـراق

صنداح الزلامي
بو محمد صح السانك وبنانك ولاهنان راسمك
جزلة من جزل وهادفة للغايه
ومن صد عنك صد عنه ولا عليك
شكرا لك