من سار في درب النقاء رافع الراس

[الطائر المهاجر]

لا باس يامن صاغ هالقاف لاباس=الوقت شان الله يكافي بلاوية
بالناس ياكثر الفصايل والاجناس=احد ٍ حذر واحد ٍ تغره هقاويه
واحد يبي درب السنع بس ينحاس=عجل ٍ وفيه افكار قشرا تدهويه
دايم وقسمه مع هل الطيب الافلاس=يبي الطريق اللي يوصل ويخطيه
يظن في تضخيم الاخبار نوماس=ويبني كلام ولا يميز معانيه
طاوع عدوه بين كيد ٍ ووسواس=دايم على تاية الافكار يرميه
صح اللسان اللي نضم عقد الالماس.=مقيم والمهجر له سنين يطريه


اهلا هلا بك عد ما هب نسناس= وعداد ما بالبيت حجٍ يلبيه
جزل المعاني بين بردٍ ومقباس= يعزي لمن رجله بجمر يوطيه
مايهتني حر ومبداه ينداس= ولا يهتني من شاف شيٍ يعنيه
النار تملي والقلم فوق فرطاس= يكتب وراسه فوق محدٍ يدنيه
يشره على من يستمع قول بلاس=ويشره على من ينصر الميل يحميه
قصة بسوس بين سالم وجساس= ومحدٍ عرف باللي عن العين تخفيه
الشمس ماتحجب بغربال وسواس= وقصر تعلا ماخلق من يوطيه
اسلم وسلم فانت للقصر نوماس= مذكور بالخيرات في كل ناديه