ونّة المسبوع

[نجم الإبداع]

أياونتي ياصاحبي ونة المسبوع=من جروح ليلي قام بالروح ينكيها
على وقت ناسه شفتهم يقلبون ضبوع=يصاحبك للدنيا وبه نار يذكيها
وبعض البشر ودك ترزه على قنبوع=الا من ذبح فذبيحته مايذكيها
وفيهم حصيّني ساعه وساعةٍ جربوع=وبالزور له جلسات مكبر مراكيها
الاجيت يمه صار كفه تقل مجبوع= فلوسه ربا راس السنه مايزكيها
سريت الليالي واثرني بالردى متبوع = على نيتي والناس تقلب حواكيها
طربنا لجلسه فوق كوكب بعيد البوع=على عرش ماكلن ليا حب يتكيها
ضوى الجزل فوقه تاج للعارفه مطبوع=جواهر وعقد الماس من جور يشكيها
على الشقر والجاوي بناها على المربوع=تجاذب حروف الشقر والجزل يركيها
وغارت نفوس وصار حلم السبق مقبوع=مسجى وروحه شمت الناس زاكيها
وجودي على الي يحسبون الخميس ربوع=وعين الحسد ياعل تعمى بواكيها
ركبنا الجديد وغيرنا يركب القربوع=وراعي القرب لامن فرطها يوكيها
بحور المشاعر ماتلاقت مع الينبوع=والانهار تجري والسواقي تحاكيها