تدري وش اللي شدني فـي غيابـك

[عبدالعزيز العمار]

http://up.fatahilah.com/up//uploads/fdba8e8ddf.mp3

للشاعرة ترانيم المطر


تدري وش اللي شدني فـي غيابـك=منظر قصايـد مـن غيابـك تباكـن
وتدري وش اللي سم حالـك ورابـك=منظر طلوع الشمس لا قلت لك غـن
وأدري بـلا ميعـاد ربـي لفـابـك=يوم العيون بكحلهـن لـك تحـد ن
وتدري من اللي باع بك وإشترا بـك=وأدري مريض ومن مرض لازم يون
وأدري طريق الشوق صفحة كتابـك=من قبل خمس سنين ما يشبهه فـن
وأدري نسجت من الخيـال بخطابـك=وخلطت ضحك القلب مع ضحكة السن
وتدري عشقت أرضك وعاشق ترابك=وجاريت بالمضمـون كـل الأماكـن
وتدري وش اللي جابني عنـد بابـك=ذكرى قديمه والمشاعر لهـا تحـن
بلل عروق القلـب وإشعـث ركابـك=لا يكون قلبك يابـس ٍ كنـه الشـن
دايم جوابـي متفـق مـع جوابـك=مشاعري راحـن معاكـم ولا جـن
لو قلـت ابنسـا وأتناسـا جنابـك=إثنين فـي واحـد حـرام يتسـاون
أقدر بغمضت عيـن أبـدد سحابـك=سحايبك مـا عـاد تغنـي وتسمـن
وأدري بقافي غصب تبدي إعجابـك=ذيابـة القيفـان عنـدي تـعـاون
إسمـع لجاجتهـن ونـوخ ركابـك=خلـك بعشـك ساعـة ٍ ويتـعـدن
أغناهن الله عـن عشـاك وشرابـك=ربيعهـن غطـا منابـت كـدرهـن
وأخـاف مـن ردي يجـدد صوابـك=يرديك وإنتـه فاتـر الحيـل وتئـن
عقلي رسـا لا تظـن قلبـي يهابـك=أغوص وأجيب الدرر مـن بحرهـن
ــــــــــــــــــــــــــــــ ـــــــــــــــــــــــ