إن كان تجهل يالمضيّع وش الطير(شيله)

[عمر ال شيبي]

كيبورديه
http://www.fatahilah.com/up/a6air01.mp3

إن كان تجهل يالمضيّع وش الطير = فالطير حرّ وعاليٍ في رجومه
العدل ميزانه ولا عنه تخيير = والحق دربه لو تزايد خصومه
طيرٍ مهاجر بالفكر والتدابير = وبحره غزيرٍ ما بكلٍ يعومه
قلبه نظيف ولا حمل حقد للغير= يدمح خطا اللي جاهلٍ في علومه
لغيره يحب اللي يحبه من الخير = ولاهوب اناني كل همه سهومه
ماشي على نهج الرجال المناعير= درب النقاء دربه يعلّي رجومه
ثابت على مبداه من غير تغيير = ولا اغتر في علمه وعالي نجومه
يشيل هم الغير فعلٍ وتفكير= ويضحك ولو هي ذابحاته همومه
وسيع صدر ولو تحداه طرطير= خذه على قدّ العقل ما يلومه
ويثور كالبركان من دون تحذير= لاشاف بومٍ منتفخ في هدومه
ولا شاف متذيكي نوى خبث تدبير= ولا شاف ابو وجهين رابح بسومه
ولا شاف تاجر دين يخدع بتكبير= من لاعرف لاهداف حجه وصومه
ولا شاف من يحظى بجاه وتقدير= واصبح صقر من بعد ما كان بومه
ويعلي سهوم اللي نظيف التقارير= درب الفضيله مسلكه بين قومه
ماهوب من يغتاب او ينفخ الكير = شجاع في قوله وفعل يرومه
دنياه ما تسوى ولو ربع قطمير= زاهد بها عايش على رزق يومه
هذي علومه كان تنشد عن الطير= لعل تفهم ما خفى من علومه

في القمه دوم

مثل الهرم شامخ
الله عليك من جمال وحرفنه وعبر موسوعه

وصح لسانك لا هنت