يابنت تكفين

[فيصل البدراني]

يابنت تكفيـن روحـي لا تحبينـي=تكفين روحي ودرب الخير مع ثاني
عايش على حب من بالهجر كاويني=صعب انتظارك وانا برجيك تنساني
خوفي يجي يوم طعم المر تسقينـي=شوفه حبيبي ياكيف الحنظل أسقاني
غالي على روحي ومن ناس غاليني=حطم صروح الهوى واليوم ندماني
ياليتها اعيونـك السـودا نخطّينـي=وياليتها ارموشك الحلـوه تعدانـي
اشوف زينه عن الزينات معمينـي=يومه رماني ببحـره ثـم خلانـي
يابنت ارجوك روحـي لاتحبينـي=تكفين روحي بدرب الخير مع ثاني