الــمــوت الأكـــيــد

[الملتاعه]

مـا يـمـد وقــت الـزمـان الـلـي تمـنـاه وتـريـد=والزمان أن هو عطا لك ماعطى الشي الكثيـر


نــار خلـفـك والبـحـر قــدام والـمـوت الأكـيــد=أنـت ويـن مـن الثـلاث اللـي تتابعـك المسـيـر


أيتجـلـى خــوف قـلـبٍ ضـــخ دمـــه بـالـوريـد=أيتخـاذل فـي وقوفـه مـا قــدر يمـشـي كسـيـر


أعطنـي برهـان واحـد مـن ضحـك انـه سعـيـد=وان قلـبـه مــا تحـطـم أو شـكـا نــار السعـيـر

المـسـافـة لا تــشــدك الأمــــل عــنــك بـعـيــد=والحقيـقـة فــرض واقــع تقـتـنـع وإلا تـطـيـر


من حكا لـك أو تواضـع ويـش يفـرق أو يفيـد=الـكـلام أبــلا جـمـارك ساحـلـه بـحــرٍ غـزيــر


لا تظـن النـاس واحـد فــرق بـأحـرار وعبـيـد=ماتساوى الروس هل شفت الغني يدنى الفقير

صـار عـدوى تنتقـل بخطـورة الـوقـت العنـيـد=كــل مــا مـنـه يتغـيـر ظــن بلـحـظـه خـشـيـر


خلـك بحالـك وعيـش العـمـر كالـفـرد الوحـيـد=دام سـور الحـظ حـطـك فــي شرابيـكـه أسـيـر


لا تــدور مــن يبـادلـك الـسـلام وبـــك يـشـيـد=انتهـى عصـر الضميـر الحـي والقلـب الكبـيـر


وش يدور وش يبي بك ويـش يمكـن يستفيـد=صفر خالي المنزلة معدوم من صـف الشهيـر


لا أبــوك حـاكـم ولاهــو بـالــوزارة مستـمـيـد=ولاهو شخصٍ دبلوماسي رشح لمنصب سفير


مـنـت عـلـى قــد المـقـام ولا بنظـراتـك جـديـد=ولا سـنـد ظـهـرٍ قــويٍ بالمكـانـة هــو جـديـر


أنت بين الناس عـادي لـو يكـون رأيـك سديـد=وش يعني انك مثقـف ويـش يعنـي انـك تثيـر


أنـت فــي عـصـر المظـاهـر لا تعـيـد ولأتـزيـد=فـوق لحظـه مـن خيـال الـذات وأحــلام تغـيـر


دام مــا تمـلـك ولانــت كـفـو يـالـحـر العـنـيـد=لا تخـايـل بالسحـابـة لا خــرت بــرد وهجـيـر


لضهـدوك النـاس منـتَ عـنـد خـلاقـك ضهـيـد=قبـل لا يـرتـد طـرفـك سـيـر وضـعـك يستـديـر


هـون الأمـر الصعيـب وعـلـي الـعـزم الشـديـد=واذكـر الله فـي قيـام اللـيـل بالنـصـف الأخـيـر


ما يضام من هو لجاله ولا يصـد عنـه ويحيـد=لا وقـف مابـيـن يـديـه العـبـد ربــي أستجـيـر

يا ألهـي اعـو ذبـك مـن شـر نفسـي والوعيـد=وارتجي منك العفـو واللطـف وختـام المصيـر





شعر / الملتاعة