بــــغـــى حـــاجــــه ولاجــــاتـــــه

[الخنساء]

وقلبي إللي لامر الزين أخذ سجه=ويسجبي سجتاً من عرض سجاته
يتبع الزين بدربه دوم متوجه=وياكثر ماهو بغى حاجه ولاجاته
تلعبه أمواج شوقه والوفا لنجه=هيمان بلولَوه وأصدافه وعاجاته
ياما بسبابه ضلوع القلب منلجه=وأنا بين عناد قلبي وأحتجاجاته
وياكم خيلاً من اللهفه لها سرجه=تجمح بخافقي إليا سياجاته
أسهر متعذب على ناره وفي وهجه=وأقول وينك ياصبحي وأنبلاجاته
ماكل مطره يجي من قبلها عجه=ولاكل صادق دليله إبتهاجاته
وعلى طموح المحب مشيداً برجه=ماينهدم لوَنها تكسر زجاجاته
وترا الهوا ماكل عاشق مبدع بنهجه=له فنونه وطرَقه وإندماجاته
ياما تخدرت من جرعاته وبنجه=هو الوحيد الذي ملقى علاجاته

صح لسانك ولاهنت

قصيدة جزلة

سلمت ودمت بخير