هب نسناس الهوى لحظة سكون(صوت)

[عرق الماس]

http://www.fatahilah.com/up/nsnas.mp3

هب نسناس الهوى لحظة سكون= وايقظ الإحساس في القلب الرقيق
قام ينبض من هواجيسه شجون= تاخذه لبحور ماترحم غريق
ينظر طيورٍ على ذبل الغصون= تنتظر فجرٍ رفض ان يستفيق
من نظرها فهم شارات العيون= ومن تجاهلها ترى اخطى الطريق
بينها عصفوره برمشٍ فتون= من يصيبه ذاب كله في حريق
ويلها من الله رمت سهم المنون= واستقر بقلب مايعرف عشيق
طيري اللي كان ماله باللحون= صادته من لحن في همسه رحيق
ومن بعد ما كان يجهل بالسجون= انسجن برضاه مافكر بضيق
ساجني خلك على قلبي حنون= وانعش النبضات في الجرح العميق
هز غصنٍ مات من كثر الطعون= كود يحيا كان به باقي رميق
في زمانٍ زاد جوره والمجون= ومن يحب بصدق مايلقى رفيق
خلني وياك نحيا في جنون= ما علينا من الزمن واللي يعيق


حضرة الطائر ,,

الله مأاجمل قصيدك...وأعذبه,,

والله صدقت ,,((...من يحب بصدق مايلقى رفيق))

تسلم يدك ويسلم حسك يامهاجر..