الـهـدايـه

[عبدالله مذكر العقيلي]

ألا يـالله طـلـبـتك بالـهـدايــه = إلـه الـكـون تـقـبـل لـي دعـايــه
وتـغـفـرلي ذنـوبي والخطـايـا = وتـرحمـنـي لـيـا شـقـو ردايـــه
وتـصبرني على هـمٍ طـوانـي = وعـنـانـي وسبـب لـي عــنايـــه
فراق اللي لهم بالقـلـب قـدراء = مـعـزتـهـم لنـا مـقصـد وغـايــه
تفرقـنا المـشاغـل عن بعضنا = وتـبـعـدنــا وهــذا هــو بــلايـــه
وكـني ياجماعـه وسط عـزلـه = غصب عني ولاهو عن رضايه
بعيد عن الجماعه لجل شغـلي = وقـلـبي صـافي مـثـل الـمـرايـه
ابـيهـم ودي احضر بالمحافـل = وشـاركـهـم فـرحـهـم لـلنهــايــه
واعيش الجو معهم في سعـاده = مـع اخـواني وربعي وقصرايـه
لـكـن الـله مـقـدر مـا حـصلـي = وعـن المكـتوب لامخرج معايـه
وابـوتـركـي ليـا منه سـمعـني = يـبي يــفـهـم كـلامـي فـالـبـدايــه
ويـقبل عـذري اللي جـاه مني = كـلام الـصـدق مـا نحكي روايـه
وجايـز كـاسـب كـل الـمدايـح = رفـع لـه بين كـل الـنـاس رايـــه
وحقـق مـركـز عالي وطـيـب = رفـع راسـه وراسـي واقـربـايـه
ولوامـدح فـابو تـركي مـوفي = سـليـل الجود محمود الـسجـايـه
وخـتم الـقول صلى الله وسـلـم = علـى محمد رسـولٍ بـالـهـدايــه