كنه صدى المقدس ولوعات الانبار

[نجم الإبداع]

ياطير عقب الفجر وشفيك حيري=كنك مفارق خل مثلي ومحتار
تجر نوحك حزن وحدك مغيري=ماشوف معْك مرافقك خير وش صار؟
احس صدرك ظايقٍ بك حسيري=والصوت نبراته من الحزن منهار
شكلك تبي ترحل وجبت اتكديري=ودك توادعني وتبعد عن الدار
ان كنت راحل يم ديرة عشيري=الي ملك قلبي وعقلي معه طار
ودعتك الله جعلك تشوف خيري=مير انتظر باعطيك ياطير تذكار
بالله خذ مني رساله لطيري=واعطه مواثيقي على سلم الاخيار
قله محبك صار حاله خطيري=يذكرك في سرّه وبين اهل الاشعار
ياطير من حقه عليه يضيري=وانا لك الله من خلاخيله اغار
ماعندي الا هو ومامعْه غيري=هذا هوى عن غيرنا ظمن الاسرار
حب انكتب وانبث عبر الاثيري=كنه صدى المقدس ولوعات الانبار