يخسى حبيبي

[فارس القوافي]

السلااام عليكم




ماني بمن يتبع ورى المقــفي ولو كانه حبيـــب = يخسى حبيــــــــبي ما أذلّ النفس واخضع للتراب

صـــحيح احبّه واعشقه وبقلبي اقرب من قريب = لكنّ لاجت للكرامه .. فوق انا فوق الـــــــسحاب

بدري على اشكاله يطوّعني وانا دايم صعـــيب = بدري عليه ا ن جيت له في شوق والاّ في عتاب

خلاص من عيني نزل ماعاد له فيها نصــــيب = يلعنّي الله لو ذكرته في حظــــــــــــوره والغياب

بذوّقه طعم القسى واعلّمه وشهو النــــــــــحيب = والله لخلّي الدمع ينــــــــــزل دمّ ويشوف العذاب

بكويه من جمري واشبّه لين يحرقه اللهــــــيب = واسقيه سمّ الهجر بيدي واتركه يطــــرد سراب

عشان يعرف من أنا لاصار وقت الطيب طيب = وعشان يعرف قيمته لاصار في يوم الحــــساب

ماعاد لي به حاجةٍ لو صرت بالدنيا غـــــريب = ضــــــــــــــــيّع مكانه لارحمه الله جعله للتراب