عيبٍ على الرجل يجزى المحسن بسبه

[الطائر المهاجر]

من لا يعرفه يقولوا في المثل حلبه = واللي يعرفه بسره دوم بلشاني
تلقاه صامت ولو هو صار بحلٍ به= يضحك ولو كان في داخله شرهاني
ومن صار طيّب يلاقي ما جلب غلبه= من اقرب الناس وإلاّ عز صدقاني
يمكن بعضهم يجادل مالقى سبه= والبعض متأثرٍ من هرج حسداني
ويمكن نتيجة جهل ما جاء على لبه = انه غدامغزلٍ في يدّ قوماني
يبغاك تاخذ برأيٍ خاسرٍ طبّه = ولو ما تطيعه على امره صار زعلاني
والبعض يمكن ذكي وتجهل لغبّه= ويمكن يغطي قصورٍ منه ندماني
يبقى الفعل يكشف اللي اعتلى القبه = ومن لاقدر دوم بالأعذار فناني
والبعض يمكن تشوفه طار فالهبه = في وسط تيار بالأحقاد ملياني
فالرجل لا من غدا من راد يلعب به= يضيع وحده بلا ربعٍ وخلاني
ما يميز اللي يبيه ودوم يفخر به= ولا يميز اللي نوى تفريق الاخواني
حاول تصحيه من ايحاء تخمر به= واصبح يوجه ولا يدري عن الشاني
لاينخدع من منافق يلعب بعبه= يدري بطيبته ما ياخذ بحسباني
والقصر يامن تفكر تشعل الشبه= من قبلك اشطر فشل في هد الاركاني
فخلك بحقدك ترى الأسرار معشبه= مكشوف امرك مابين فلان وفلاني
ان كنت رجال واجه من تبا نبه= وان كان لك حق ندفع غال الاثماني
هرج النساوين اظنه افضل تكبه= لا تقول قالوا بلا علمٍ وبرهاني
حنا رفعناك فوق الناس فالتبّه = من بعد منته بوضعٍ كان فالداني
عيبٍ على الرجل يجزى المحسن بسبه= ومن لايقدر فلا في قلبه إيماني