هافي الحشا بطنه مثل تنكر مياه

[ابو أنس]

ميّـة هــلا باللي يكحّل ثناياه ------ اللي يحط الديرمه في عيونه
اللي حدا نهديه من خلف علباه ------ والنهد الآخر روّحوا يطردونه

اهلا هلا باللي ليا شفت علباه=اظنها اللوح الذي يذكرونه
سبورة حد العرق فيه تلقاه=باقي طباشير اعجزو يمسحونه
وردوفها مثل الدلي المملاه=ان قام يقعد وان مشى يقهرونه
والى ضحك يعجز يحرك شفاياه=ياكود عنده شلة(ن)يرفعونه
هافي الحشا بطنه مثل تنكر مياه=او راويه في ددسن(ن) ينقلونه
قلبي الى شافه فزع واسرع خطاه=عجزوا سواويق الهمر يلحقونه
وان شفت طيفه في منامي وحلياه=فزيت فزّت من بغوا يذبحونه