دبوس

[ثامر الشبيلي]

الله الله

راائعين ومبدعين

صحت قلوب الجميع



وهذي مشاركة متواضعه لا ترقى لابداعكم .. لكن نحاول :o





يقول من عدّى على راس دبوس =يلعب به الهاجوس لعب (الكعابه)

هاجوسٍ اقشر من 30 هاجوس= كبر البعير ودون خشم السحابه

سر ياقلم واكتب احاسيسك دروس=زان القصيد وجاك بأول شبابه

على الذي غادر ولا ورّث فلوس=ومعذبينه فوق هذا الكلابه

ابوه عرّي من مطانيخ (طنفوس) =وأمه حنون و كل ابوها حبابه

و(ميووو) لو قلتها تبكي تيوس=وبساس حارتنا بذيك الخرابه

مرحوم يابسّن على الخط مدعوس =له سبعة ايام و لاحدن درا به

ولو كان بامريكا تطوطح له الروس=والبيت الابيض بالعزاء في كآبه




وسلامتكم


معاني المفردات :


الكعابة : لعبة شعبيه . اسالوا عنها ابو عبدالله .. انا مالحقت عليها :cool:

مطانيخ : جمع مطنوخ يعني قدع بلهجه المصريين :rolleyes:

طنفوس: ديرة توني مخترعها .. وهي موطن القطط الاصيلة (قل قسم :p )