صدمة الشّك

[الخنساء]

وش غيّرك من بعد عشرين عام= مرّت عجوله مثل حلم الطفوله

مرّت وفاوحب وتباريح وهيام= وفيض المشاعر في حنان الرجوله

مرّت هدف واحلام ونظره لقدام = أسس بهاالعشاق أركان دوله

يافجعة النايم على صدر الأيام = ويا وجعة المطعون باربع فصوله

لاقادر(ن)يرجع ولايسير قدّام = ولاقادر(ن)ياقف ولايطيح طوله

الصدمه أقوى من مصدّات الألغام =والحق تغتاله بنات الحموله

راعي المبادي لوتوطّته الاقدام = يموت صمت أعز وأشرف بطوله

ويامشتري من شك الأوهام أحكام= بيع الضمير يموت بأبسط سهوله

ولو فوق صدري تزرعين الدمع عام = بين الندم والظلم روحي جفوله

يكفيني الماضي عطينيه اباانام = وأنتي أسهري مع شكك الليل طوله

وحطّي بجنبي كومة أوراق واقلام = أبكتبك ماضي بعصر الكهوله

وابكتبك عفّت رمز طهر الأسلام = وابكتبك قمّه وقيمه مهوله

وابكتبك أحساس وامسحك ارقام = ياعز واشرف تاج راسي ينوله

صح لسانك واعتلا شانك

قصيدة مؤثرة من شاعر متمكن

والله يكون في عون كل من فقد احبته

سلمت ودام حرفك