تبكي العروبة

[حمود السكراني]

عاد ويش حتى يوم تبين وتتقي 00
تمسح مدامعها خفا أطراف الأنامل 00
ثم توهف له وهو يوهف لها00
تبكي العروبة من ردى الحظ الشقي 00
مامر في عمره وجاله الفرح كامل00
ولاهي جالها 00
حدتهم الفرقى على الخطين00
ساروا وانتهوا بالمرفقي00
والدرب مايل00
ماقترن 00
يادرب مايل ليه ميلته يمين 00
وهي شمال ميلتها00
من دونها حالت حدود من الدول 00
والحد حايل00
ياكثر فيها حدود هالمشرقي 00
تبكي عروبة والعروبة عيبها بعيالها 00
متى يكون الحال واحد واللقب شامل وكامل00
والمشاعر تلتقي 00
وهمومنا ياقومنا يشيلها شيالها 00000
طالت بنا والذل طايل00
حولنا يرعد رعدها والبيارق تبرقي 00
والدم ثاير 00
والعروبة وش جرى بحوالها00
يافرس مدري روم 00
بس المسألة فيها مسائل00
كلها ماتفرقي00
دارت ولفت ثم لفت لين لفتنا00
طوال احبالها00