الــــــداء والــــــدواء

[عرق الماس]

جديدة على الكيبورد





مزاجي اليوم فيه من الزعل جايح=وعلاجها في الخلا في تختخ ٍ خالي
مانيب خبل ٍ دلوبج دايـم ٍ طايـح=هم المراجل بقلبي مشغـل ٍ بالـي
فيالله بنو ٍ حقوق ٍ غـادي ورايـح=وبله مبارك يروّي الأرض لاسالي
تسعين ليل ٍ وسيله بالثرى سايـح=يكسي نباته سهول الأرض وجبالي
ريحه مع كل فـج ٍ ذايـع وفايـح=نبت الطبيعة يجيك ألوان وأشكالـي
لاشمّة اللي مريض ٍ مبطي ٍ طايح=يشفيه بأمر الإله الواحـد الوالـي
وتسمع لطير الخلا من فرحته نايح=صوت الطرب يزعجه مع كل موّالي
وتشوف نشر البدو مع طلعة الضايح=وضو ٍ تذلق وصوت الماو ودلالي
وجمعا نشاماً جذبهم دنّة الصايح=صياح نجر ٍ يدنـّه زند رجالي
في مجلس ماذكر به كيفهم بايح=مجلس كريم ٍ لضيفه يصخي الغالي
أنا أشهد إن ذا مناة العاقل السايح=سياحة العز ماهي سياحة إذلالي
إعداد وبل المزون وبرقه اللايح=صلوا على من بعثه الله مرسالي


حضرة الأستاذ شجاع,,,

الحقيقة أنا قرأت أبياتك أكثر من مرة

أحاول أفهم بعض مفرداتها يالي صعبة علي

والصدق اني فهمت بعضها وبعضها الأخر لا

بس من مضمون معظم حروفها لمست فيها

الإبداع الشعري والجمال الأدبي والجزالة,,,

تسلم يدك حضرة الشاعر,,

وانشاء الله ححاول افهم ماصعب علي من الألفاظ

دمت بكل خير .