على قبره وقفت (بالصوت)

[الطائر المهاجر]

ربابه
http://up.ftahilah.com/up/uploads/RBMe/3laRB01.rm

القاء
http://up.ftahilah.com/up/uploads/Mine/3lagbrh.rm

على قبره وقفت وقوف غادي= اطالع قبل ماهم يدفنونه
وفي لحظه تلاقفه الأيادي= بوسط اللحد حطوه بسكونه
وصفوا سبع لبناتٍ جدادي= على طول اللحد تمسك بمونه
وبدى يدفنه شبّانٍ شدادي= وذكر الله بصوتٍ يرفعونه
وانا مذهول في وسط العبادي= ينادوني ولا ادري من يبونه
يعزوني ولا ادري بالوكادي= وش اللي قلت من هرج الرعونه
سليم الجسم في وضع اعتيادي= رحل من قبل ماهله يدركونه
الا يامسندي محزم شدادي= تركت القلب ينزف من طعونه
انا ويّا اليتامى في سهادي= نحاول نفهم الدنيا الخؤونه
الاحظهم بوضعٍ غير عادي= وكل يخفي الحزن بعيونه
احاول قد مقدر باجتهادي = اسليهم وقلبي في سجونه
واحاول اظهر اني من عنادي= قوي العزم ما بي من ليونه
واذا من صرت وحدي بانفرادي= تهاوى الصرح من عالي حصونه
تناوبني هجوسي بالطرادي = الى الماضي اراجع في شجونه
انا وياك من قبل الرشادي = نسابق للطموح بكل لونه
وجانا يوم في جوره تمادي= خذك مني بشربه من منونه
وزاد الكون في عيني سوادي= اصارع وقت طاغي في مجونه
الا يالله يارب العبادي = بلا عونك فلا لي من معونه
وتغفر للذي ما يوم حادي= عن دروب الفضيله في شئونه