نجم سهيل للشاعر / فهد المفرج

[عزي لحالي]

نجم سهيل




انـا مـولـع ٍ مــن صـغـر سـنـي بنـجـم سهـيـل
احــبــه واحـــــب الــلـــي كــذلـــك يـحـبـونــه

اليـا اقفـى لهيـب القيـظ واقبـل نسيـم الليـل
وراع الـقـنــص والـطــيــر جـــــوّد دركـســونــه

عــلـــى واردٍ مـــاحـــل عــقــبــه ولامـــوديـــل
جديـد الجيـوب اللـي مــن الـشـرق مضمـونـه

الــى ريّــح الكـسـار وانـحـى ســواة الـسـيـل
وبــســـم الله الـرحــمــن لاعــــــد طـبـلــونــه

شـبــاب ٍ عـلــى يـمـنـاه طـيــرٍ يـهــد الـحـيـل
الـــى شـالــوا الـبـرقــع وبـالـصــوت يـدعـونــه

يـاويــل الـحـبـارى مـنــه ويـــلٍ رديـفــه ويــــل
الـــى ذيّـــرت ثـــم شـافـهـا الـطـيــر بـعـيـونـه

مـجـهّـز ومـعـهـم صـنـعـة الـــروس والـدربـيـل
وفـــــردٍ الـــــى جــــــا لازمــــــه مـايـخـلـونــه

ومـعـهــم دلالٍ صــفــر فـيـهــن بــــن وهــيــل
مـــن الــنــوع الاصــلــي للـنـشـامـا يـصـبـونـه

سـوالـيـف وعـلــوم ونـشـامـا ودبــكــة خــيــل
ونـجــرٍ الـــى جـــا الـضـيــف قــامــوا يـدنـونــه

الا يـامـعـصـبـة الـغــتــر يـاشــبــاب الــجــيــل
هـــو الـلــي يـبــي الـخــوّه مـعـاكـم تــردونــه

ويالايـمـي مـالـك عـلـى اهــل الـولـع تـوكـيـل
ومالـك ومـال الـلـي شـكـى الـوقـت وطعـونـه

عسى لايمي يشكي المرض ويتمنى الشيل
يـعــجــزون اطــبـــا الـمـمـلـكــه مــايــداوونــه

علـى شــان يــدري لـيـه انــا مـولـعٍ بسهـيـل
والا واعـــــذاب الــلـــي ســواتـــي يـحـبــونــه

الشاعر : فهد ابراهيم عبدالله المفرج