بــــــن هـــــــــدلان

[شجاع عمر الأكلبي]

0



إلى الأخ الغالي الرجل سليل رجال الفروسيّة والكرم والشهامة الشاعر / خليل بن هدلان




اليوم جا للمدح رمز ٍ وعنوان=مدح ٍ مواقيف النشاما تقوده

أعذب من اللي تسكبه غر الأمزان=بكور وسمي ٍ ترازم رعوده

وأصدق من الهندي بقبضات الأيمان=بقبضت يمين اللي يورد حدوده

وفي مدح ساس الطيب مانيب ندمان=الطيّب اللي متعبينه جدوده

فسلام يارجل الوفا ياكحيلان=رجل المواقف كلّها ماتكوده

ترفع لك البيضا على كل مابان=طيبك يابو نوّاف ماكثر شهوده

مواقفك يشهد بها القاص والدّان=يالطيّب اللي ماتردت جهوده

ولا غرابة شانكم في العرب شان=خصالكم بين الرجال محموده

للضد عبرود ٍ وللضيف صيوان=وعد ٍ رهاوي كل ناسه تروده

تاريخكم يقرا على مر الأزمان=يقراه من للعز نفسه تذوده

أيام عسر الوقت كرمان ظفران=ومن جاد قاس بجودكم نوع جوده

رمز الوفا ساس الكرم يابن هدلان=حبال الوفا والطيب فيك معقوده

خليل هاك العلم زبده ونيشان=أنت العقاب اللي ينومس هدوده

وبلغ سلامي الربع شب ٍ وشيبان=عيال إبن درّاج فهد الفهوده

وأعمم رجال المواقيف قحطان=اللي يميّز شبلهم في مهوده

وصلاة ربي عد مارش هتّان=على رسول الله منجز وعوده