فرق الخلايق ؟؟؟؟ مع المري

[نجم الإبداع]

يابو محمد مانت ياصاح رايق=في كل وادي لك هيام وزوايا
كنك مضيع شيّ او بك حرايق=والا هوى في تالي العمر غايا
قص الاثر عندك غواه الف عايق=ياليت شي بدّيه لولد الطنايا
والا التميمي لو يجي اليوم فايق =ويحلل الموضوع ضبي الفلايا
ساقت عليك اليوم بعض السوايق=وانشدك عن حالك بقرب الصبايا
ان كان تنصحني وفيني شوايق =من يستشير اليوم ماعدْم رايا
مير البلا قطعت كل البنايق = شاوي غنم كنك غوي في الشوايا
غرنوق صابك طرفها بالزرايق = والا نداء قرد اختلف بالمرايا
لا واوجودي في زمان الخرايق=يابو محمد وانت عذب السجايا
لو ضيقونا اهل الردى والبوايق=لابد ماتظهر بيوم الخفايا
القاف جاء لك يارجل بالوثايق =على النقاء حالي بصدق النوايا
ياصاحب ارسل واحتفظ بالجلايق=والا فشل ياشعيل حمل الروايا