ياقصيده

[عذب القوافي]

مع اعذب تحياتي للجميع هذه القصيده ورجائي ان تروق لكم



ياقصيده اسعفيني وهاتي كلماتك عجوله = اختنقت وصرت حاير اكتب الهم او اقوله
ودي اصرخ للمراكب وقفي لاتبعديها = ليه خذتي الروح مني كيف وبهذي السهوله
تطلبي مني اتناسى كل حبي والليالي= وحبها يجري بعروقي من اول ايام الطفوله
لا تقوليها رجيتك ارجعيلي ورجعيها = لاتمنعي الغيث عني وهو في لحظة هطوله
يازماني ليه تغدر ليه تعذب ليه تفارق =ممكن اعرف ليه ودك تنسف الفرحه الخجوله
فرحتي بس هذي هيه مافرح قلبي قبلها = هي بس عندي الاخيره وهي بس بالقلب الاولى
انقهرت منك كفايه ليه بس ناوي عذابي= تفتكر هذي شجاعه او تظن انها رجوله
بتحدى ظلم طبعك وغدرك اللي قد غمرني= ببقى اقوى من سنينك هذي المرة الجهوله
ليه تقتل حلم قلبي بعد كل صبري وجرحي = ليه تقتل من تغرب عمر في ساعة وصوله
ياقصيده علميهم كيف مرمرني زماني = كيف هاجمني بمصايب تمتطي صهوة خيوله
كان كل همه شموخي يفتكر اني اسلم = لكن ان الصبر فيني شتته سبب ذهوله
مايهم لو ضاع عمري ولو غدر ناسي وربعي= المهم ابقى الوحيد اللي ملك دور البطوله
ماتعودت اني اغدر ولالبست ثوب الخيانه = ولاني مثل اللي يبيع النفس من اجل العموله
صح بان الهم فيني زاد واستوطن كياني = وصح بان عظام صدري هدها ثقل الحموله
وصح بان الجرح نازف من سنين وماشكيته= والامل فيني يتزايد ان لي بالغد جوله
مادخل الياس قلبي رغم همي والمتاعب= رغم ان الناس قالوا ذا وهم صعب تطوله
قلت متحمل عذابي ماابي منكم معونه = يايهد الهم عزمي او يجر باقي فلوله
ماتدوم الدنيا ابدا وماتتم في حال واحد = ينتهي كل شي بكره ولكل زمن ناس ودوله

الجزل / عيد الماجد

صح لسانك

نص وافي من وافي

لله درك يالغالي

تقديري ,,,,,,,