[ وُدي وعيـّا . الزمن ماطاع ]

[عبدالله راشد الثويني]

السلام عليكم ورحمة الله وبركاته

متواضعه جداً لعلها تروق لكم






سار القلم . والغـلا حبـره=والقاف في حضرتك . ينصاع
من شان عينيك . نبتكره = يرقى على قمـّه . الإبداع
مشتاق والشوق من كبره=من داخل القلب لك ينذاع
القلب مافاد به صبره = بعدك لقيت العذاب انواع
في غيبتك خافقي يشره = من هجركم زادت الاوجاع
صوتي من الحزن به نبره = وين إنت ياساكن الاضـلاع
قلب العنا تخنقه عبره = أليـا . ذكر مامضى يلتاع
ياكيف ساقك قصـر شبره=للـي على وصلكم طماع
إيـاك .. والشوق تختبره=من خوفك إن الهوى خداع
لو تسأل اللي لهم خبره = إن كان تتفهـم الأوضاع
عظم الغلا مانفع جبره=إليـا إنكسر والغلا به ضاع
أليا . حضن عاشقك قبره = لا تحسب الدمع لك نفـاع
أعط الذي يطلبك نظره = اللي شرى قدركم مابـاع
عندي أمـل .. وأنتظر بكره=نفرح بشوفك ولا نرتاع
أدعي عسى تبعد الغبره=والقاك يابو عيون اوساع
هو شطر . كم جاز لي ذكره=[ وُدي وعيـّا . الزمن ماطاع ]


وسلامتكم والعذر على القصور

وُدي