مقام الشعر

[ناصر عبيد الهواوي]

كل عام وانتم بخير ومبروك شهر رمضان على الجميع لعل الله يبلغناه ويعيننا على
صيامه وقيامه ويتقبله
حبيت اكتب هالمتواضعة لتكون مسك الختام الى ايام العيد ان شاء الله

يامرحبا يهلا يا صاحبي وين العرب وين=الجو كله غيوم وجا رشاش وفوقه غيار
صدورنا يا وسيع العرف ما ضاقت بلونين=ولاكان ضمن اولوياتي مقام الشعر لو بار
تقول قلبك خضر وقلوب هالشعار قاسين=صدقت قلبي يتوق ال.مامضى ما عندي اسرار
انا قريّب عهد بارض الحيا والناس مبطين=وبعض البشر ما يقر اب.مايسِر يحب الإنكار
ولو قلت وش في عيونك حمر قال اثر البصل شين=والشين والله توقد في صميم قليبه النار
نيف وخمسين قسمها على نيف وسبعين=خمسة ال.سبعة تناسب واضحة في فرق الاعمار
اضرب على خافقك وإسترجع الاسرار ويلين=ويطري لك العم وابن العم وابن الخال والجار
ماهوب شرط الحنين يكون لجل امغيزل العين=هو له نصيب الأسد من هالحنين وغيره إكثار
واللي رفع سبع فوق وثبّت السبع الأراضين=فرش لنا الارض من فضله وغطانا السما ء دثار
اني بعض هالليالي ما غفي والناس غافين=واحيان في ديرتي واتوه ما اعرف يمة الدار
الى طروا لي رجالٍ من ربوعي جد غالين=بالقلب عندي كبيرٍقدرهم شرواك وكبار