ما يصلي ولا ركعه ولكن يصوم

[احمد الجريفاني]

مايصلي ولا ركعه ولكن يصوم = قبل اذآن الفجر ياكل وعقبه ينــــــام

قبل الافطار صحوني تراي معزوم = وجبة (الفور سيزن) ما عليها كلام

اثنعش ساعه أو اكثر وهو في حلوم = با الحلم كان في بوفيه برج الحمام

طاغي الجوع خلى الكبد عنده تحوم = ولد نعمه تعذب محتسب مايلام

الوزن برمضان يزيد يومن بيوم = نوم + بطن مليــــان بــرد وسلام

ثالث أيام شهر الصوم فصل هدوم = دايم تضيق لامن حل شهر الصيام

وان سالته تصلي؟ قال أتروح وأقوم = اسأل (الاسترآحه)عن صلاة القيام

زرت مرضى واقارب ؟ قال ماله لزوم = الله اللي يشافي كل من به سقام

قالوا انك كريم ,البخل عنه محشوم = هل تصدق بشهر الخير في كل عام

قال باحدى الفنادق كنت في حكم نوم = ضيعن كل ما عندي بنات الحرام