كشكـول . عبدالله الثـويني

[العنيده]

قطـرآت ...






ماكنت من يهوى السهر طـول ليلـه=عمر السهر ماكان من عادة [ السمح ]
إليـن شافـك ، زاد همُـه وويـلـه=ماتهتني عينه ، قبـل يطلـع الصبـح





لايصيبك ياغـلا قلبـي ذهـول=لوسمعت القاف في ذكراك طـال
عاشقك ياغايتـي مهمـا يقـول=يكتفي عن ذكركم .... هذا مُحال
دام طيفك عن عيونـه مايـزول=لا تلومه لـو بلـغ حـد الهبـال
شفت بك مافاق تفكيـر العقـول=ما أبالغ لو أقـول إنـك خيـال
حبٌك اللي صار في دمٌي يجـول=له حياتي يامُنى العاشـق حـلال
حيٌ زولك فارقه عـن كـل زول=يافريد الخلق ياحسـن الخصـال
خافقي صحرا .. وترجيك الهطول=ياسحاب الحب يالعـذب الـزلال








يضيق صدري .. وأحاول أخفي العبره=والناس تسأل .. عيونك ويش صايبها ؟
أكذب عليهم .. واقول الجو ، به غبره=وأصدقُ الكذبه . اللي صـرت كاذبهـا








الله معك ../ ماعاد باقي معي شي !=قدمت كـل اللـي ملكتـه ولا فـاد
قبلك وانا قلبي / كواه الهـوى كـي=بسباب منهو رآح عني .. ولا عـاد
وش عاد لو تنسين ذكراي يا ضي=قلبي على اللوعات والهم .. معتـاد






ياللـه . ياقاضـي ،على كل طاغوت =يامبعد(ن) عن قلب داعيـك .. خوفه
تجيب لي من غاب ، ماعاد له صوت =وافرح بقربه بعـد . همـّي ،، واشوفه
تسعد عيوني ، من قبل لحظة الموت=نفسي على. لـقـيـا وليفي . لهوفه
اسـمه وربـّـي داخـل القلـب منحـوت=تبقـى على مــر اللـيالي حــروفه






كفـّي دموعك ياعيون الشقاوي=إلي متى وإنتي بهمٌك سهيـره
إدعي لمن هاجر كثير الدعاوي=لعل في بعده عن العين .. خيره






هو الشوق يعانق الروح
لتتساقط الأحرف كالدرر جميلة المنظر ..
فتتلقفها الروح إبتهاجاً بها
كتلك الفاتنة أعلاه

{ السـسمــح ..

نبض عانق السماء جمالاً
بأسلوبكَ الأنيق والمدهش والقريب من الروح جدا
لقلبكَ الفرح والأمان
وجوريات منثورة هنا لك
تحية وتقدير



,

’

العنيده