أنته الحبيب اللي تمناه قلبي

[عبدالعزيز العقيدي]

ليتك حبيبي تعرف البُعد و تقيس=***طول المسافة بين قلبك و قلبي

تستشعرأحساسي بكل المقاييس=***تدرك نهاية بعد شوقي و حبي

بس لا تخليتني في لقعة بليس =***ارقب بلهفة شوق وصلٍ تلبي
والا على جمر الغضا والمحاميس=***أقلب الجمرات على طول دربي

خذني بحساباتك بكل المقاييس=*** نار أشتياقي بين الأضلاع تكبي
رسم البيان المعتمد دون تدليس=***يعطيك حجم اللود اللي ع قلبي

ترجمت لك حبي بكل الأحاسييس=***عاشق شفوق مغرم فيك صبي
لا بالهوى مهرب ولا فيك تدنيس=***و أنته الحبيب اللي تمناه قلبي