الحب يستعمر الروح

[عرق الماس]

لاتشرهون ( الحب يستعمر الروح ) = احيان بالتعذيب واحيان راحه
ياحاسبين البوح خطٍ على لوح = البوح للشاعرصدايا جراحه
ومن كان فينا رغم الاعذار مشفوح = نسي انه الاسباب : ( كبر اجتراحه !! )
من سبب العلات ماهو بمسموح = يضحك علينا يوم قال : استراحه
ان كان هو مرتاح فالقلب مطروح = في نار هجرانه مساه وصباحه
وراع الهوى لو يكتم الشوق مفضوح = صارت على غيره فضايح وراحه
راحت مع الايام / من كان مجروح = يربط جروحه من ثيابه وشاحه
ماله عن الواقع ملاذٍ ومندوح = وازين من التزوير قول الصراحه
وماكل قلبٍ للمطلـّين مفتوح = صعبٍ عليه الغلق بعد انفتاحه
ويله على اللـّي ولعـه قال : ابا اروح = قال المولـّع : فاس بالراس طاحه
طاحت بها لبّ المعاليق مذبوح = وارتدّ للذّباح ذبة سلاحه
ماهي شهر ماهي سنه صار له دوح = عليه تسمع للحمايم نياحه
بالله تمحاها وتنوي بها موح ؟ = واكبرها واعبرها وافداحه !!
ان كان تقدر تنزعه نزعة الروح = عجـّـل وبدل للعذابين راحه

الله,,ياالمزيني ,,الله ,,الله..

قصيد قمة بالروعة,,و التعابير..

والله صدقت,,الموت مرة

أرحم من الموت بعذاب الحب كل يوم ألف مرة..

تسلم يدك يا شاعرنا..ودمت بكل خير..