يقطعك ونه

[الـزلـزال]

بسم الله الرحمن الرحيم

للتواصل مع قلوبكم الطاهره

( يقطعك ونه )


مسموح يالمزيون لو رحت وأقفيت= ومسموح لو مابه رساله ورنه
أوفيت لك دايم على الطيب وأوفيت= وأوفى لك الخافق بشوقه وحنه
لكن على الخافق عليه تعليت = والي مضى يازين يمي تمنه
مهما عليه ياحبيبي تغليت = ومهما رميت الهجر يمي بفنه
تبقى حبيب الروح حيآ لكم ميت = وتبقى حبيب القلب قلبي وونه
مخطيت يوم أنك عليه تبليت = وين الخطاء محكوم حكمي بصنه
لجل الفراق اليوم يازين ونيت = ونيت شوف الون يمك وزنه
فالحلم جيتك يم بيتك تهقويت = أنك تصب إدلال هيلك وبنه
لكن يم الكيف يازين عييت = وعييت يم النجر نجرك تدنه
وأخذت أسبح عند بابك وصليت = ودعيت ربي تحسن أظنون ظنه
ذاك الحبيب الي على بيتهم جيت = جيته وشفت الحرب يمي يشنه
ماقال لي ياحب ياحب حييت = ولا قال لي ذا الحب يمي ودنه
أخر كلامه منك يازين مليت = وأخر كلامه جاحد الحب كنه
بغيت أجيب العيد يمه وسجيت = لنه حبيب القلب والروح لنه
وأخر كلامي يم قلبك ترى جيت = جيتك حبيبي يم قلبك وهنه
أن كان تبغاني على الطيب حييت = وأن كان مابه طيب يقطعك ونه