توالي الليل

[حكمت الناهي]

توالي الليل أهيم مشتاق وأشعر أن كل عضاي
تريدك يا أنيس الروح طفل مفطوم يريد الماي
لا مسافر واراجي تعود
ياسليل الأصل والجود
ولأني بجيتك موعود
مسعود الودعك مسعود
والعيون همالة
وتراها الفرقة قتّاله
تأنسني ربابة وعود
ترابي الدرب هم تعود
تناظر والأفق مسدود
أخوي العود
إنه الموعود أصل يمك .....بأمر الله إنه الموعود
ترفرف روحي فوق الغيم...... مشتاقة لآبو عيون السود
عيون الصابتك.... محسود
شلونك يا حلو الطول قلي شلونك..... بعدك حلو لو بهت لونك
يادرب الصد ولاه اردود
إنه أصلي في رمضان
واستغفر الرحمان
وأقرأ وأختم القرآن
وأشواقي أنثرهن على روحك أحلى ورود
روحي أرض عطشانة وأنت الماي
يا بسمة فرح دنياي
يا أحلى نغم للناي
إنه أنعي حظ الولد بغناي
وين النشمي زين الشباب
شمعه انطفت والفرح غاب... نعق الغراب
... غدو يا حسرتي حدر التراب
خط الزمن اثاره..... وهاي سنين دواره
حيل رقد والراس شاب
كنت معجل بأمرك ....بطل حيلي ماودعتك
قلب منكوب ينتظرك.... ياريته يجي يمك
عسى يرتاح.... عسى يهدء.... قلب خلك
ياحادي الضعن بالله تهدى.... ماء زمزم اخاف يتبده
أسئلك باليحمل ذنوب اودعنه.... القلب مكلوم ترى عنده
هم تعود... من تعود... اشعل عود.... وانثر زهر... ومي ورود
وعطر الدار.... كلها بخور
عسى طيفك يجي خطار.... تراني انطر ....عسى ما شر وتتأخر
كلي فرح لون أطيافكم غفلة تمر...... ترى فرقاك علقم مر
ياهو الدرى بيه وشعر ...سهران ليلي للفجر....يا حظوض عاندها القدر
خزنت جروحي كالزهر..... كافي القهر.....موقلبي قرب ينفجر
ياشقيق الروح من يانس غربتي .....بعد عيناك تصعب ع الكافر حالتي
لازم اقنع روحي إنك ما تجي ....مهما ارتجي .....هذا أمر رب البشر
وهذا مكتوب وقدر.... والمبتلى ديدنه صلاة وصبر
هذا أمر رب البشر..............
برمنجر ..... غرب النرويج... عند السحور