التعصب القبلي

[عايض ابوشيبه]

نعم تعصب وافتخر وارفع الراس=لاكنك اعرف ويش معنى تعصبك
لاتشعل الفتنه ولا تحقر الناس=وامش الطريق اللي لربك يقربك
ولأ زمان الزير في حرب جساس=ولأ زمان اللي بسيفه يحاربك
ولأ زمان الجهل والظلم وانداس=واليوم حكم الشرع ينهي مطالبك
الدين بدل ملبس الجهل بألباس=وش يدفعك تاقف وتفتل شواربك
احذر يصدونك عن الحق الأنجاس =حاسب ضميرك قبل غيرك يحاسبك
كل القبايل فعلها فيه نوماس=احذر تعود المنتنه من سبايبك
لاكن قبل ماياقع الفاس بالراس=يا مجتمعنا وين دورك و واجبك