ما عاد باقي منّك الا غيابك \مصافحة اولى

[صعبة المنال]

مدري ...أنا اللي خنت ولا غيابك =لا غبت عن قلبك .أنا كيف ماخون
يعاتبنّك فيّ / حتّى ثيابك=اسأل وشف بالله / وش به يردّون؟
ارجع وربّي من حكابي / حكابك=اخييييه مكثر كذبهم يوم يحكون
آخاف يموت الحب / وآصكّ بابك=ودونك / وش احيا له/ ويا كيف ؟ وشلون؟
حتّى عتابك / قمت اردد عتابك=من زود حبّي لك على كل مظنون
يا قوّة الله كييييييف حضرة جنابك=يقفي كذا / من دون لا يلتفت/ دون
نسيت عهد الحب يوم آحيا بك!=ويومنْك تحيابي / وتتهامل مزون
ما عاد باقي غير رمحك ونابك=وجروح تنخى عروق قلبي يكفّون
ولا عاد باقي منْك / إلا غياااابك=ورسوم حبٍّ شوف عيني يبكّون

الله الله بوح جميل
جزلة ووافية

صح لسانك وفكرك

صعوووب