تعب الجسد

[الخنساء]

ياسيدي انا الجسد من داخله موقعك روح
---
ياسيدي تعب الجسد ما بين مزحك والصحيح
---
تعطيني البسمة وتسحبها من شفاتي وتروح
---
عطني مع البسمة أمل يسندها حتى لاتطيح
---
ماني جديدٍ في هواك لجل أحتمل بعض الجروح
---
لاتقتل الحب الذي بالأصل من صدك جريح
---
انا عشقتك روح تدري من قبل زولك يلوح
---
عاد كيف لامن لاح لي زولك على الشكل الصريح
---
كم دق قلبي من( وله) كم المشاعر لك تبوح
---
تبوح من كثر الغلا ئم تسحب الآه وتصيح
---
اعطيك من لطف الكلام وانت الكلام عندك نطوح
---
واهيم بعيونك ولع وأنته مع النظرة تشيح
---
تطلع عتب تنزل عتب ماحب نظرات السطوح
---
تعال نمشيها خطىَََ(ن) في ساحة الكون الفسيح
---
ودي أداعب غصنك المياس وازهارٍ تفوح
---
ابا ابرد النار التي بالصدر من حبك تفيح
---
يا كثرلك في عالم الأحلام عندي من صروح
---
اتعبتني في عالم الأحلام وانته مستريح

صح لسانك واعتلا شانك

بوح رااائع ومميز من شاعر مميز

سلمت ودام بوحك