"شــمــوخ الــبداوه"

[عبدالله الشويمان]

باشة الزين ياتاج الحلا والدلال=انتي اللي حلاك يهبل العقلي



ورمشك الفارس اللي زاهب للقتال=والمصيبه بعد ماجابني من علي



وعودك الخيزران بميل ولا اعتدال=وكل مامال غصنك قلت ياويللي



بنت بدو وجدك من كبار الرجال=في رخا الامن ولا كانها تصطلي



يعني العز ملكك شي مابه جدال=بك شموخ البداوه شي مايجهلي



رغم ذا الفقر مايسكنك ذل السؤال=يحسدونك بنات الاغنياء الهبلي



ماخذا ابوك وقفاته بخشم الريال=كيف والعز ساس لجده الاولي



دايم ان مر ذكرك قلت بنت الرجال=شيخة صيت اهلها دايمامعتلي



الله الله

صح السانك يا اخ عايد

قصيده جزله حيل حيل..اعجبني مضمونها وقافيتها المحبوكه

صح السانك مره اخرى واخرى الين ترضى

دمت بخير وصحه وسلامه