الخطابه ام علي ترحب بكم

[ثامر الشبيلي]

يالله حي ام علي

خواتي البنات بكيفهم يرسلون لك على الخاص بطلباتهم


اما انا با قول طلباتي هنا .. وعاد انا باطلب نانسي حتى اخبي :cool:


ابيها ياطويله العمر بيضاء (مهوب مرره مثل النجفه اخف شوي وفيها حمار خفيف بفتح الحاء وليس بكسره) ;)

وابيها طويله الى حد معقول ..... عشان اذا لبست كعب ابو 50 سم ما تصير اطول مني :o

وابيها (تشرط ياعم دام الدعوى احلام خخخخخخ ) ناعمه مثل التفاحه وصلبه مثل الصندل (مهوب اللي يلبس هذا اسم خشب العود ) :rolleyes:

واريدها (ترا اريدها غير ابيها يا ام علي ركزي) متدينه باعتدال ... وفيها صرقعه على خفيف ..تخبرين الدنيا يبي لها شريكة حياة تنسم بالواحد احيان :D

وابيها ماتشتغل ولا تدرس بس طبعا تقرا وتكتب وعندها ثقافة خصوصا في الازياء والطبخ وتربية الزوج ..قصدي الاطفال :p


وابيها جميله ... يعني اذا قامت الصبح سبحت الخالق .. واذا صار صدري ضايق كحلت عويناتي ساعة زمن وراح الضيق :eek:

وقد قيل في الجميلات : ليست المرأة الجميلة التي تأخذ ببصرك جملة على بعد ، فاذا دنت منك لم تكن كذلك ، بل الجميلة التي كلما كررت بصرك فيها زاد حسنها



وابيها (ياكثر ماتبي ياراغب ) املود عيطاء معطار..شنباء الثغر (هالاوصاف شوفي ترجمتها في لسان العرب ) :confused:

وابيها تخاف الله فيني حتى اخاف الله فيها .. والا تراني باهبل فيها اليين تخاف الله فيني :cool:

واتمناها بنت ناس ومتربيه وعندها ليسانس (بس لا يصير ليسانس حقوق وتسلقني بلسانها ) :(


بس خلصت

اذا ماعندك يا اخيتي علميني حتى ادور لي على فيزة .. لاني بصراحه اخاف يطير عقلي من هالقنوات الي ماتخاف الله في الضعوف :(


ولا تبطين .. ترا الصيف على الابواب اخاف تروح قريشاتي في الزمالك وانا اصلا اشجع الاهلي :D


دمت بخير