عذر المصلّــــــــي

[فارس القوافي]

خلّي الخواطر لعــنبوها الخواطر = اقسي وخلّي كلّ خاطر يولّي
ولا تحسبي للي صدق بالمشاعر = ارميه لهمومه وخلّـــــــيه خلّي
وان كان كابر من فراقك وكابر = يكذب ودمعـه فوق خدّه يهلّي
الروح بعدك واصله للحنـــــاجر = ريقه نشف ويتلّ بالحكــــي تلّي
واليوم خلّك ودّعك راح ســــــافر = ترك لك الراحه وخذ جرحه اللي
اللي ذبح قلبه وسوّاه شـــــــاعر = يكتب حروفه وبجروحك يحلّي
مع السلامه راح خلّك وهـــــاجر = ماباقـــي الاّ حرفه اللي يسلّي
وان جاز لك ذكراه في يوم باكر = خلّيه ذكرى فوق صدرك تعلـّي
وان مات لا تنسين حزن المقــابر = ابكي على موته وبالـــدمع بلّي
بلّي خدودك وامسحي دمع عاذر = عذرك وكان ابحق عذرالمصلّي
اللي ترك فرضه ولا هو بكـــافر = نسى صلاته مادرى انّه مُخلّي