"زمان المرجله والذيابه"

[عبدالله الشويمان]

ياصاحبي ربعك بدو وانت ملهوف= على زمان المرجله والذيابه

قصايدك وقفات وخيول وسيوف= وانت بزمان العولمه هوه يابه

تهز غصن مرتوي عزه ونوف=ويمكن من جنونك تشكل عصابه

احيان كلك عقل واحيان ملقوف= قلبك خضر مسكون عشق وصبابه

كم بنت شيخ اعجابها فيك معروف = تحفظ قصيدك لين حد الغرابه

وتكتب على كراسة الدرس بحروف=قصايدك واسرار عشق الكتابه

نشمية مار الزمن لافها لوف= ارخص هواها للرخوم الزلابه

وانت جبل لازلت بك عزه ونوف= لوجار وقتك زدت طيب وصلابه

صح السانك وقلبك يا اخ عايد

شاعر جزل ولا تجيب الا الجزل

لا هنت لا هنت

دمت بخير وصحه وسلامه..وعيدك مبارك مقدماً