الـلـه يـصبــرنـي على اللي جــرآآلـي ""

[الخنساء]

http://www.mo3afa.com/fasel/f65.gif
[ قصيدة مباشرة ،، من وهج الخيآآل ]




الله يحفْظك يا بعد كل غالي = ياللي سكنت ديار ناسٍ بعيدين

شوقي عليكم زاد يا بعْد حالي = حــرّق فؤادي وشب بالقلب نارين

طيفك يخايلني و ياما طرالي = ما غاب عني يا منى الروح والعين

الله يصبرني على اللي جرالي = الله يصبرني على فراق غالين

ماعاد لي قدرة ولا لي احتمالي = على الفراق الله يساعدني ويعين

أبطيت عني والبعد عنك طالي = وانا اتحرى جيتك حينٍ وحين

أعد ساعات العمر والليالي = و أخفي جروحي عن قرايب موالين

متى يطيب الوقت و يطيب فالي = و تعم فرحتنا قصور وميادين

اللي منول كان دايم قبالي = أروي نظر عيني بشوف المحبين

مالي على فراقه بديل و بدالي = غير الدعاء له و الصبر يالمسلمين

هذا رجا قلبي وهذا منالي = اللي بشوفه يصبح الفرح فرحين

شكواي لك ياللي عليك اتكالي = يا خالق سبع السماء والاراضين

الله يرده لي و يرتاح بالي = ياللي قريتوا القافيه قولوا آمين

http://www.mo3afa.com/fasel/f11.gif

صح لسانك مليون ولايكفون
قصيدة جزلة ترجمت ماحسست به
لاهنت فقد ابدعت ايها الجزل
سلمت ودام حرفك