افـــــــــــــــــرح

[عبدالله الشويمان]

كيبوردية للتواصل


افـــــرح تهنّا دام للعــــــــــيد فرحه = اضحــك مع غيري وخلّ الشقى لي
عيّد وسولف عيـــــدك اليوم لمـــحه = لمحه وتخــــــــسر بعدها كلّ غالي
غرّك غرامي تحسب النفس سمحه = تظنّ برضى جـــــرحك اللي بدا لي
ماني بقايل شيّ واتعـــــب بشرحه = ياما تعـــــبت اشــــرح وتعّبت حالي
قلبك لعوب ٍ لا تعــــــاتب بجـــــرحه = ما ينــــــــجرح قلب ٍ بالاغراب سالي
تكذب على قلبي بليــله وصبـــــحه = وتقـــــــــــــــول احبّك لا تدوّر بدالي
وانتا مع غيـــــري يســـــلّيك مزحه = يغريك بشـــــــــــعار الغزل والدلالي
خلّك معه والقــــلب يكفيه ذبـــــحه = ماعاد ابي قربك وبقـــــــطع وصالي
وامحى وجودي منك يازين امـــــحه = لاعاد تذكرني محــــــــــــيته خيالي
اليوم بنســى من طعـــــنّي برمحه = خلّوه ينسى مابقى له مـــــــــجالي


صح السانك يا اخ خالد

دائما جزل ومبدع

دمت بخير ولا هنت