صبــــــــــــح الأذى

[الخنساء]

يامساء الحزن يا صبح الأذى = ياتعب قلبٍ سرى ليله ينوح
من عذابي قمت أهذّي به هِذا = ذاك يالّي ماليٍّ قلبي جروح
خذ حياتي وش بقى ماهو خذا = استحلّ الروح وين اغدي واروح
وين ابرحل دام هو فيني كذا = شيٍّ إمن الله ولا عنّه نزوح
إن هجرته جا يراضيني واذا = جيت قربه مالقيت إلاّ الشحوح
يبخل ابحبّه وملحه والشذا = ويتكبّر لين حطّم بي طموح
وان سألني ليه تعشقني وذا = قلت مدري ماني ابقادر ابوح
خايفٍ يزعل لأنّه هكذا = يخلق الزعله ولو حكيي مزوح
صابرٍ والله واتحمّل أذى = من سكن قلبي ويهديني الجروح

صح لسانك واعتلا شانك

قصيدة جزلة من شاعر متمكن

تترجم جمال الاسلوب وروعة المعانى

سلمت ودام حرفك