هرج جوال

[الخنساء]

غزر المبادي عندنا غزر شلال=من كثرها المولود شيب حجاجه
ليت ان مفاهيم العرب تنجز افعال=ايكون ميزنا الرها عن هماجه
ولو العرب ماتسمع لكل الاقوال=ان كان زاح الضيق بعد انفراجه
غير التواصل عرف اجيال باجيال=واحيان تلقابه غلاث وسماجه
لانا نحسب ان الغلا هرج جوال=لكن عندي قول بيّن سراجه
ماكل منهو يدق ينشد عن الحال=اعده لوقتي رفيق المواجه
بعض العرب لادق هرّاج محتال=هرجه حلا وتقول مافيه عاجه
انا بوجهك من شنيعين الاعمال=ياعالمٍ رزق النمر والدجاجه
الرجل له تقدير واضح ومنزال=ماقيس مقداره بصنع الخواجه
غير الجميله مالها غير جمّال=يعرف مداخيله ويعرف خراجه

للتميز والابداع عووووودة
لاهنت ودام حرفك