((...مثل القليب اليا نزفت زاد ماها ...))

[سعود النداح]

ناراً توقد في ضميري من العام=وقودها خلقاً هجت من خلاها
تمرضني اياماً وتسعفني ايام=واقول خلق الله وش اللي بلاها
لا من بنيت الدار واسويت الاحجام=تنقد زوايا البيت والا حداها
يا ناقصين العرف ما نيب منضام= داري سكنها من يقدر رهاها
الباب شرِع والمقاديع قدام=وادلالها تطبخ وعرفي ملاها
فنجالها يقعد هل الكيف والزام=اللي تعرف الصايبه من خطاها
ما نيب ناشدكم ولا نيب منلام=اعرف رجوم العلم واحصي حصاها
كل ما نزفت افكار تزداد الاحجام=مثل القليب اليا نزفت زاد ماها