[جـآآآآآذبية ]>> في جريدة الرياض

[مبروك بن ماضي]

http://www.alriyadh.com/2009/10/04/article463810.html


جاااااذبية
******

أصابعك ماهي بكفك سوية=ما يستوون الناس لا تظلميني

واظلمك لو باشبّهك بالبقية=من يشبهك يا بعد قلبي وعيني

بعلن عليك الحب ماهي خطية=وش فيه لو بيّحـت خافي كنيني

ردي السلام وشرط لاضرب تحية=مدي اليمين اللي تصافح يميني

ولهان احبك والمحبة بلية=يا كبر شوقي لك ولوعة حنيني

نذرت قلبي لك وروحي هدية=-يابنت حبك صار مطبوع فيني

لا تبعدي احس بك جاذبية=واحساس صادق حيل بينك وبيني

كثيييييير ماهو يا حياتي شوية=احس به من كل جهة محتويني

شوفي جروحي في غيابك ندية=ودواك لي. لمست يدينك يديني

لاتتركيني بين روحة وجية=ويش الذي يمنعك حتى تجيني

وانا لاجلك جيت في طيب نية=وعطيت لك عمري وباقي سنيني


************

أخـوكـم / بن مـــــــــاضي