نـــــــــــو فــــــــــــــ

[احمد الجريفاني]

سموك (نوف) وكنهم قبل دارين=انه على اسمه نوف تطلع عظيمه
احرجتي بذوقك جميع المزايين=اللي لهن هيبه وحشمه وقيمه
الزين يتبع سكتك وين تمشين=لو ما تبعها صار ما فيه شيمه
والملح يمسي وين يا نوف تمسين=نديم ما وده يفارق نديمه
انتي كما الجوري بوسط البساتين=يسري عبيره لين ذعذع نسيمه
يهدى بعيد الحب بين المحبين=تذكار لاصحاب القلوب الرحيمه
لويشبهك في كوكب الارض ثنتين=صارن بنات الكون دقه قديمه
عز الله انك للمعاليق تسبين=جريمتك يا حلوها من جريمه
سبحان منهو صور الحسن من طين=لين اودعك يا درة الكون ريمه
اسمك مغلف يا الغلى بين قوسين=بسهر على شانك واخليك نيمه
يا نوف حايل آه يا ليت تدرين=عن روحي اللي زود البعد ضيمه
بعيد يا حبي وغربلني البين=يا حظ ملاك القلوب السليمه
سعادتي صارت على عاتقي دين=تايه بصحراء وارتجي عطف غيمه