" راغـــب وطــــونــي"

[عبدالله الشويمان]

يمه صحيح البارحه عيروني=قالوا غيور وبه بداوه وتعقيد

مابه حضاره جاهل في فنوني=البهرجه والكذب ومطارد الغيد

وانا مزهب للثقايل متوني=كم شلت حمل والردي عنه يحيد

مابعت تاريخي وغيرت لوني =ولا اركض ورى ركب الحضاره بلا فيد

ثابت ولا اهتزيت لوعذربوني=اهل الحضاره عاشقة كل تجديد

يمه وناس في جهلها جنوني=تتبع رجا الصانع وانا احب ابوزيد

يبغوني اصبح مثل راغب وطوني =وانا ولد بدو نزيه المواريد

ماهمني يمه ولو يرخصوني=يكفي رصيدي في قلوب الاجاويد

يمه ولو ماخطيت ياما رموني=وانا اترفع عن سلوم المقاريد

يمه على خبرك ولو حاربوني=ارسي مراسي (شار) واشمخ كما (وتيد)

مابقت جيراني ليا خاشروني=تابع رسول الله ولاني بعربيد

ويمه على خبرك ولوعذربوني =عريب جد ومن سلايل صناديد


كفو كفو والنعم بك وابياتك يا اخ عايد..

يا حظ من تمسك بعاداته وتقاليده والسلوم الطيبه..

صح السانك ملايين يا الجزل

دمت بخير وصحه وسلامه ولا هنت