جــــس نبـــــض

[الطامي]

وش حاله اللي نساني بين أصحابه = لا ما ذكرني ولا صبّح ولا مسّـا

قولوا له انّي ذرفت الدمع بسبابه = قولوا له اشلون صبّر قلبه وقسّا

من امس غايب ولا جا صوب احبابه = مدري نسى العهد والاّ العهد به لسّى

الباب صكّه وانا واقف على بابه = ماحسّ كسر الخواطر ليه ما حسّا

قال انتظرني وطوّل حيل بغيابه = شكّيت بنّه يقيس النبض ويجسّا

يبي يشوف الغلا واللي تهقوا به = ويشوف حبّ ٍ بناه وداخلي رسّا

ادري بحبّه وانا اقرب من اقرابه = لو دسّ حبّي ترا والله ما دسّا

يبين حبّي بعينه لو كتم ما به = اقرا عيونه واشوف الشوق وآعسّا

لكنّ غايب وكثروا حوله اصحابه = لا ماذكرني ولا صبّح ولا مسّا

خالد
صح السانك ملايين
واللي وطاك وطا غيرك
وهكذا هم السحالي الله يعيننا عليهم
ابياتن جزلة وطيبه وهادفه
شكرا لك